Kalalou genyen Vitamin A, Vitamin B konplèks, Vitamin C, Vitamin E, Vitamin K, Kalsyom, Fè, Potasyom, Magnezyom, Zenk.

Benefis Kalalou pou Cheve w:

1. Ede cheve w ak po tèt rete idrate.

2. Ede w trete kap.

3. Bay cheve w ekla.

4. Ede cheve w rete soup.

5. Bay cheve w plis vi, sitou si w te fin repase cheve w, epi w ta bezwen yo retounen an sante.

6. Soulaje po tèt grate.

7. Ede cheve w grandi pi byen. 

Prepare yon tretman ak Kalalou pou Cheve w konsa:

Wap bezwen:

8 Kalalou (ou ka itilize plis ou mwens selon gwosè Kalalou yo.)

3 tas Dlo

2 kiyè Lwil oliv (cuillère à soupe)

2 kiyè Lwil kokoye (cuillère à soupe)

2 gout Lwil mant

Lave Kalalou yo.

Koupe Kalalou yo.

Kite l bouyi nan dlo a pou anviwon 30 minit.

Lè l frèt, koule Kalalou a nan yon twal fen pou w pran dlo a.

Byen melanje l ak lwil yo.

Aprè w fin lave cheve w ak shampoo, pase tretman sou po tètt ou ak cheve w.

Kite cheve w toufe anba kapichon pou anviwon 40 minit. 

Byen rense cheve w ak anpil dlo, epi pase rens.