Si w byen itilize l cheve w ap rete idrate, nouri, e an sante. 

Se yon lwil ki kapab pote byenfè pou ni cheve ak powozite fèb, ni powozite fòt, ni powozite mwayèn.

Genyen plizyè fason ou ka prepare lwil kokoye, men sa se yon fason ki trè fasil ou ka fè sa lakay ou. 

Sa w ap bezwen:

Kokoye Sèch

Etap pou w fè Lwil Kokoye a:

Blennde oubyen graje Kokoye a. (Ou ka ajoute dlo pou w blennde l pi fasil)

Koule l nan paswa pou w retire pay yo, epi pran dlo Kokoye a. 

Mete dlo kokoye a sou dife pou l bouyi.

Kite l bouyi jiskaske lwil la separe ak ma. 

Ou ka kite l bouyi sou dife jiskaske ma tounen koulè mawon. 

De tanzantan ou ka bwase l pou l pa boule.

Lè ou retire l sou dife, kite l frèt epi koule ma pou w pran lwil Kokoye a.

Mete ma nan yon twal fen pou w peze l plis ak men w, konsa wap ka jwenn plis lwil. 

Itilize Lwil Kokoye pou w pran swen cheve w. Ou ka mete l nan bain d’huile, nan lwil ou fè masaj, nan mask, nan preparasyon lot lwil (tankou enfizyon fèy romaren).