Prepare Lwil Lalwa pou Cheve w konsa.

Wap bezwen:

Lalwa

Lwil kokoye oubyen lwil oliv

Lave lalwa epi retire pikan sou li.

Koupe lalwa an ti moso.

Blennde moso lalwa yo.

Mezire lalwa pou w wè ki kantite li ye. 

Si se yon tas li ye, mezire yon tas lwil ou chwazi a pou w mete avè l.

Vide lalwa ou fin blennde a nan yon veso sou dife.

Vide lwil la.

Kite l sou dife jiskaske moso lalwa komanse kole ansanm, epi bwase l de tanzantan. 

Lwil la ap bay yon koulè mawon, lè li prè. 

Kite l frèt epi koule l nan yon twal fen pou w pran Lwil Lalwa. 

Ou ka itilize Lwil Lalwa pou w fè masaj pou tèt ou, nan bain d’huile, oubyen lè w ap idrate cheve w.